صلاح الدين

أنا بتكلم بجد
ومش عجبنى حد
كل واحد ف حاله
و فجأة ..
حب يبقي كبير
مال غزه وماله
في الأصل هو عميل
وأنا مش جي أقول
إن اليهود وحشين
ولا برده جي أقول
أحنا العرب حلوين
لكن ناوي أقول
سلامكم في شرع مين
حروق فسفور و بتر
يا رب أنت الستر
أطفال كل يوم ب تموت
والعالم شايف مبسوط
ولاقي ناس فرحانة
بقدوم عم آوباما
ومن عشمهم فيه
فكرته جوز خالتهم
في الأصل مالوش فيه
وهما يا خيبتهم
عايزينه يعمل إيه
وأنتوا بعته القضية
كل اللي فيه مكفيه
في إماره أو جمهورية
و متسؤلوش عن غزة
أو حتى فلسطين
من الاخر هي عايزة

يرجع صلاح الدين