ما يهمنيش عذابي

ممكن اسمعلك
صعب ارجعلك
لكن قبل ما تكلمني
لازم تسمعيني
إزاى تقولي عنى أنى بكرهك
اللي بيحب عمره
عمره ما يعرف يكره
زى اللي يخون مره
صعب يوفى تانى
وأنت خنتي قلبى
وجنيتي عليا في حبي
رجعلي بعد إيه
عايز من قلبى إيه
رجعه ليا ليه
وأنا بعترف
أيوه كنت زمان بحبك
كنت بحب صوره
غيرتي خلاص ملامحها
غيرتي كل ما فيها
حتى لون عنيها
كنا زمان مع بعض
وأنت اخترتي البعد
سبتينى في دموع وعذاب
دقيتى على غير الباب
دوقتي الفرح معاه
وإما عنيكي تيجى في عنياه
أنت في فرحك وأنا اللي فيا
مها داريته
يبان عليا
وقرأ في عنيكي فرحك
وكأني أنا اللي جرحك
ويدور بيكى الزمان
واللي دقيتى بابه
دوقتي منه عذابه
دوقتي نفس الكاس
اللي دوقتهونى
أه ما يهمنيش
وكمان ما يرضنيش
و ما يرضنيش دموعي
أه ما يهمنيش
وكمان ما يرضنيش
لكن كرامتي تعيش
دلوقتى خلاص نسيتك
ونسيت أنى حبيتك
خلاص نسيت زمان
مالكش في قلبى مكان
دلوقتى أسمعلك
لو لسه عندك كلام
صعب ارجعلك
خلاص نسيت زمان
ما يهمنيش عذابي